2010

நாளை புத்தாண்டு தினம், சந்தோஷம்.

இன்று 2010 வருடத்தின் கடைசி நாள் (உண்மை!).

11 மாதங்கள்

51 வாரங்கள்

364 நாட்கள்

8753 மணி நேரங்கள்

525232 நிமிடங்கள்

31513947 வினாடிகள் கழிந்துவிட்டதா?

நாம்தான் ஓடிக்கொண்டிருக்கிறோம் என்றால், நமக்கு முன் வேகமாய் வருடங்கள் ஓடுகின்றன.

அப்படி என்னதான் இந்த வருடத்தில் கிழித்தேன் என்று யோசித்தால், காலண்டரில் தேதியை கூட கிழித்ததில்லை!

கிழித்தல் என்பது தவறான பார்வை.

அப்படி என்னதான் இந்த வருடத்தில் சாதித்தேன் என்று யோசித்தால்...

சபாஷ்! எத்தனை சாதனைகள்!

1. ஜிம்மில் சேர்ந்து உடற்பயிற்சி செய்தேன் ( 6 கிலோ எடை கூடிவிட்டது! )

2. நீச்சல் குளத்தில் இறங்கி ( மூச்சிறைக்கும் வரையிலாவது ) நீந்தக் கற்றுக்கொண்டாகிவிட்டது. ( கற்றுக் கொள்ள உதவி செய்த கிருஷ்ண குமார்,  உண்ணி, பிஜூ & ஜோயல் அவர்களுக்கு நன்றி! )

3. கார் ஓட்டக் கற்றதுடன் லைசன்ஸ் வாங்கியாயிற்று. ( கற்றுக்கொடுத்த பவானி டிரைவிங் ஸ்கூல் சேகர் அவர்களுக்கு நன்றி! )

4. பனிச் சறுக்கு (Skiing) , படகோட்டுதல் (White Water Rafting) & பாரசூட்டில் பறத்தல் (Paragliding) என இமாலயச் சாதனைகள்

5. Lord of the Rings, The Hobbit, The Host & Chicken Soup for the souls புத்தகங்கள் படித்தாயிற்று.

6. நிறைய பிளாக் எழுதி வரலாற்றில் இடம் பிடித்தது.

---

நன்றியுரை

எழுதியவுடன் ஆர்வமாய் படித்து பிழை திருத்தும் என் 'அன்புத் தம்பி' கமலக்கண்ணன்..

என்னுள் ஊறும் சிந்தனகளுக்கெல்லாம் வாய்க்கால் வெட்டும்

நண்பர் சுப்பிரமணியன்,

தோழி பிந்து,

மரியாதைக்குரிய பிரபு ஸார், ரங்கநாதன் ஸார் & C.P. ராகவேந்திரன் ஸார்..

என்னுயிரினும் மேலான ரசிகர்களுக்கு ( குறிப்பாக தோழர் தயாளன் அவர்களுக்கு ),

இந்த உலகத்திற்கு மற்றும் பல பேரலல் யுனிவர்ஸ்களுக்கு..

என் அப்பா, அம்மா, என் நண்பர்கள் & கடவுளுக்கு..

நன்றி என்ற வார்த்தையில் சொல்லி முடிக்காமல்,

மேலும் மேலும் எழுதி..

அவர்கள் புகழை பொன்னெழுத்தில் பதிவு செய்தலே தகும்!